Biergenuss! So schmeckts auf gut bayerisch
Eine bayerische Ode an den Biergenuss
—
Ja mei.
I mog di hoid.
Vor allem schee koid.
Z’koid brauchst oba a ned sa.
Genau richtig.
Des gfoid ma.
Und du, du bist scho a Guade.
A guade Hoibe, des is meins.
Ja, Biergenuss …
Der is scho wos feins.
Oba hoit!
—
Do leckst di nieda!
Des hod da anda gsogt.
Weils Bier ned schmecka dad, ohne sein Presssog.
I?
I mog mei Hoibe anders.
Mit da Brezn.
Und gern mid am Kas.
Derf a vegan sa, do moch i koan Spaß.
Wos is?
Der Dimpfe, der schaut mei Hoibe so o.
Wos hod a denn etz, da guade Mo.
—
Er mecht moi probiern.
Vom Bier und vom Kas.
Ja greist me doch, da kenn i koan Spaß.
Mei Bier is mei Bier.
Hoi da seibst a Kriagl.
Dann kema scho zam, ohne uns zum Wirgln.
Und bstei ma a glei a Neie mid.
Des schod ned a, schmeckt wunderbar.
Wennst mogst, dann stoß ma a zam o.
Scho rennt a los, da guade Mo.
—
Wos Biergenuss is, des frogst me du?
A guade Sach, da Gerstensaft.
Doch gibts a a Bier, des schmeckt ned guad.
Des hod an Gschmo, do glangst da am Huad.
Oba wenns a Guade is, dann sog is da:
Schau da draf af.
Ned, dass wos war.
Und wenn wos wad, dann gibts hoid an Grant.
Des mog do oba neamad.
Wos dann hoid scho wieda wean dad …
—
Drum trink dei Bier und hob an Toast.
Wobei:
In Bayern songma Proast.
Na!
Prost is, des ma beim Biergenuss song.
Wobei ma den a no ned so wirklich übasetzt hom.
Oda doch?
Geh mei, i woas grod ned.
Es is hoid a scho spät.
So kimmts, dass a da Durst is vergangen.
Derfa a sa, i muas ma ja ned imma a Hoibe verlangen.
Oba wenn, dann mog i a guads Bier.
Nur des kimmt ma ins Glasl –
und mundet mir.
Dir?
Psst … Für noch mehr Biergenuss
Bayerisches Bier ist schon was eine schmackhafte Sache.
Noch besser mundets jedoch mit spannendem Bierwissen im Hinterkopf.
Du hast dich schon immer gefragt,
- was das Reinheitsgebot ist,
- wann Bier erfunden wurde oder
- wie viele Kalorien es hat?
Schlag das und weitere spannende Fakten in meinem Bierwissen nach.
Vielleicht möchtest du aber auch verraten, was Biergenuss für dich bedeutet?
Tisch deine Meinung gerne auf!
Ab in die Kommentare damit. 🙂
